سلام. امشب دوست دارم در مورد شعر مورد علاقه تمام ترک ها و قشقایی ها بنویسم،شعر حیدر بابایه سلام سروده استاد شهریار.این شعر به علت لایه های عمیق شناخت استاد شهریار از شعر ترکی ظرافت ها و زیبایی های این زبان را بیان می کند و به خصوص برای ترکان ایلی و چادر نشین قشقایی تداعی گر بسیاری خاطره ها و تصاویر زیباست.زیرا مردان و زنان قشقایی از بدو تولد در امان طبیعت و کوهستانها و چشمه های زیبا بزرگ می شوند و این شعر با توصیفات زیبا و سحر انگیز ما را به همان حال و هوای زندگی ایل نشینی می برد.و حتی کسانی مانند من که نمیتوانند بیشتر از سالی چند روز در دامان طبیعت باشند نیز این زیبایی و لطف را احساس می کنند.در ذیل این مطلب این شعر قرار داده شده،امیدوارم از خوانش مجدد آن لذت ببرید.در ضمن شعر از این آدرس اینترنتی گرفته شده است: http://forum.persiantools.com/showthread.php?t=33027
(١) حیدربابا ، ایلدیریملار شاخاندا سئلر ، سولار ، شاققیلدییوب آخاندا قیزلار اوْنا صف باغلییوب باخاندا سلام اولسون شوْکتوْزه ، ائلوْزه ! منیم دا بیر آدیم گلسین دیلوْزه
(٢) حیدربابا ، کهلیک لروْن اوچاندا کوْل دیبینَّن دوْشان قالخوب ، قاچاندا باخچالارون چیچکلنوْب ، آچاندا بیزدن ده بیر موْمکوْن اوْلسا یاد ائله آچیلمیان اوْرکلرى شاد ائله
(٣) بایرام یئلى چارداخلارى ییخاندا نوْروز گوْلى ، قارچیچکى ، چیخاندا آغ بولوتلار کؤینکلرین سیخاندا بیزدن ده بیر یاد ائلییه ن ساغ اوْلسون دردلریمیز قوْى دیّکلسین ، داغ اوْلسون
(٤) حیدربابا ، گوْن دالووى داغلاسین ! اوْزوْن گوْلسوْن ، بولاخلارون آغلاسین ! اوشاخلارون بیر دسته گوْل باغلاسین ! یئل گلنده ، وئر گتیرسین بویانا بلکه منیم یاتمیش بختیم اوْیانا
(٥) حیدربابا ، سنوْن اوْزوْن آغ اوْلسون ! دؤرت بیر یانون بولاغ اوْلسون باغ اوْلسون ! بیزدن سوْرا سنوْن باشون ساغ اوْلسون ! دوْنیا قضوْ-قدر ، اؤلوْم-ایتیمدى دوْنیا بوْیى اوْغولسوزدى ، یئتیمدى
(٦) حیدربابا ، یوْلوم سنَّن کج اوْلدى عؤمروْم کئچدى ، گلممه دیم ، گئج اوْلدى هئچ بیلمه دیم گؤزللروْن نئج اوْلدى بیلمزیدیم دؤنگه لر وار ، دؤنوْم وار ایتگین لیک وار ، آیریلیق وار ، اوْلوْم وار
(٧) حیدربابا ، ایگیت اَمَک ایتیرمز عؤموْر کئچر ، افسوس بَرَه بیتیرمز نامرد اوْلان عؤمرى باشا یئتیرمز بیزد ، واللاه ، اونوتماریق سیزلرى گؤرنمسک حلال ائدوْن بیزلرى
(٨) حیدربابا ، میراژدر سَسلننده کند ایچینه سسدن - کوْیدن دوْشنده عاشیق رستم سازین دیللندیرنده یادوندادى نه هؤلَسَک قاچاردیم قوشلار تکین قاناد آچیب اوچاردیم
(٩) شنگیل آوا یوردى ، عاشیق آلماسى گاهدان گئدوب ، اوْردا قوْناق قالماسى داش آتماسى ، آلما ، هیوا سالماسى قالیب شیرین یوخى کیمین یادیمدا اثر قویوب روحومدا ، هر زادیمدا
(١٠) حیدربابا ، قورى گؤلوْن قازلارى گدیکلرین سازاخ چالان سازلارى کت کؤشنین پاییزلارى ، یازلارى بیر سینما پرده سى دیر گؤزوْمده تک اوْتوروب ، سئیر ائده رم اؤزوْمده
(١١) حیدربابا ، قره چمن جاداسى چْووشلارین گَلَر سسى ، صداسى کربلیا گئدنلرین قاداسى دوْشسون بو آج یوْلسوزلارین گؤزوْنه تمدّونون اویدوخ یالان سؤزوْنه
(١٢) حیدربابا ، شیطان بیزى آزدیریب محبتى اوْرکلردن قازدیریب قره گوْنوْن سرنوشتین یازدیریب سالیب خلقى بیر-بیرینن جانینا باریشیغى بلشدیریب قانینا
|